అనువాద రచయిత సొంఠి జయప్రకాష్

              
సొంఠి జయప్రకాష్ మడకశిరలో సొంఠి మెట్టు బండి రాయుడు,చిన్నామణి దంపతులకు 1. 5.1952 న జన్మించారు .వీరి ప్రాథమిక విద్యాభ్యాసం  మడకశిర లోనూ, 6 నుండి 12 వ తరగతి వరకు అనంతపురంలోని ప్రభుత్వ మల్టీపర్పస్ స్కూల్లో లోనూ పూర్తయింది. డిగ్రీలో బీకాం గవర్నమెంట్ ఆర్ట్స్ కాలేజీలో, ఎం కామ్ చదువును అనంతపురం లోని శ్రీకృష్ణదేవరాయ యూనివర్సిటీ లో దూరవిద్య ద్వారా1996 లో పూర్తి చేశారు.
        1977 లో గుంతకల్ సిండికేట్ బ్యాంక్ లో క్లర్కుగా చేరి అంచెలంచెలుగా పదోన్నతి పొంది మేనేజర్ గా అనంతపురంలో లో 2012లో పదవీ విరమణ పొందారు. ఉద్యోగంలో చేరక ముందే
1976లో శారదతో వివాహమైన పిమ్మట వీరికి ఇద్దరు కుమారులు వంశీకృష్ణ, విజయకృష్ణ ఒక కుమార్తె ప్రత్యూష జన్మించారు. వీరందరూ ఉద్యోగాలు చేసుకుంటూ వేర్వేరు ప్రాంతాల్లో స్థిరపడ్డారు.

    6 నుండి 12 వ తరగతి చదువుతున్న సందర్భంలో అనంతపురంలోని కేశవ విద్యానికేతన్ హాస్టల్ లో ఉండేవాడు.అక్కడ ఆశావాది ప్రకాశరావు సీనియర్ సహచరుడు ఆయన చాలా రచనలు చేసేవాడు అప్పటికే ఆయన బాల కవిగా పేరు పొందాడు .ఆయన్ను ఆదర్శంగా తీసుకుని తాను మంచి రచయిత కావాలన్న ఆకాంక్షతో 1996లో 'కాగిత పులి కథ' ను రాశాడు. ఆ సందర్భంలో సింగమనేని నారాయణ ,శాంతినారాయణ ఆయనను వెన్ను తట్టి ప్రోత్సహించారు. తర్వాత 2010లో ఘజియాబాద్లో పనిచేస్తున్నప్పుడు     నాబార్డు  అధికారి శిశిర్ శర్మ తో సాన్నిహిత్యం ఏర్పడింది.  ఆయన  , జయప్రకాష్   చేస్తున్న సాహితీ వ్యాసంగాన్ని గమనించి ,  కొన్ని ఆంగ్ల కథాసాహిత్య పుస్తకాలను వారికి అందజేశారు.   అందులో స్పెయిన్ నోబుల్ రచయిత నోబెల్ బహుమతి గ్రహీత గాబ్రియామార్క్వెజ్ రాసిన కథలు ఆయనకు బాగా నచ్చాయి వాటిల్లో తనకు నచ్చిన మంచి కథను తెలుగులోకి అనువదించి 'పంజరం' పేరుతో విపుల మాస పత్రిక కు   పంపించారు. వారు దాన్ని స్వీకరించి ప్రచురించారు. ఆ తర్వాత వెనుతిరిగిచూడకుండా ఉత్సాహంగా జర్మనీ జపాన్ రష్యా తదితర భాషల కథలను తెలుగులోకి అనువదించారు.     

వాటిని 'ఒక రాత్రి అతిథి'పేరుతో ఒక సంకలనాన్ని తెలుగు పాఠక లోకానికి అందించారు.  తాను రాసినఅనేక  కథలను 'పంచమ స్వరం' పేరుతో మరో కథా సంపుటి ని ప్రచురించారు. ఈ కథల్లో మంచి శిల్పం తో పాటు సమాజంలో జరుగుతున్న అనేక మానవ సంబంధాల విశ్లేషణ కూడా ఉంది. ఈ కథా సంపుటి యువ రచయితలకు మంచి మార్గదర్శిగా ఉంటుందనడంలో సందేహం లేదు.'నల్ల పులి' పేరుతో మరో అనువాద కథా సంపుటిని, 'మహావృక్షం' నవలను, 'ఎవరు అపరాధి 'నాటకాన్ని రాసి ప్రచురణకు సిద్ధం చేశారు.
ప్రస్తుతం వస్తున్న కథలు నిర్మాణాత్మకంగా లేవని అవి పాఠకుల్ని పరివర్తన చెందే దిశగా కథలు రాయాలని ఆయన కోరాడు. రాస్తున్న యువతరం సామాజిక స్పృహతో అన్యాయాన్ని ఎత్తి చూపే విధంగా కథలు రాయాలని ఆయన భావిస్తున్నారు. బలహీన వర్గాల అభ్యున్నతికి చేసేవిధంగా కథలు రావాల్సిన అవసరం ఉందన్నారు. వాట్సాప్, ఫేస్బుక్ మొదలైన సోషల్ మీడియాలో చదివే దానికన్నా పుస్తకాలను కొని చదివితే మనసుకు హత్తుకుని పోతుందన్నారు. వాటిని పదికాలాలపాటు ఇంట్లో  ఉంచుకొని మళ్లీ అవసరమైనప్పుడు చదువుకోవడానికి వీలుగా  ఉంటాయని సోషల్ మీడియా వలన  అలా వీలు పడదని ఆయన చెబుతారు.
    పదవి విరమణ తర్వాత ఒకవైపు రచనలు చేస్తూనే మరోవైపు సామాజికంగా ఇతరులకు సహాయం చేయాలన్న తపనతో జననీ మెమోరియల్ ట్రస్ట్ ను తన తల్లి పేరిట స్థాపించి ప్రతి సంవత్సరం  ప్రతిభగల   విద్యార్థులకు ఆర్థిక సహాయం చేస్తున్నారు .భవిష్యత్తులో సాహిత్యకారులకు పురస్కారాన్ని ఇచ్చి ప్రోత్సహించాలన్న ఆలోచన కూడా చేస్తున్నారు.

  __ పిళ్లా విజయ్,9490122229

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

The unexplored relics of Rayalaseema

చిత్రం
The unexplored relics of Rayalaseema  Published - October 28, 2023 08:07 am IST - TIRUPATI The region is dotted with anthropomorphic burial sites, which indicate the existence of human civilisation here during the megalithic era, between 500 and 300 BC A.D. Rangarajan A pillared dolmen of the megalithic era found at Mallayyagaripalle near Tirupati.. | Photo Credit: Special Arrangement The numerous monuments and heritage sites in the Rayalaseema region, comprising the southern districts of Andhra Pradesh, stand as tall reminders of the region’s historical significance. The culture in the region also greatly reflects the mark that the many dynasties that once ruled the land made on its people. However, the burial sites from the megalithic era spread across the region reveal that the land’s history is much richer than many know. The region also finds its references in Hindu mythology. Tirupati district is dotted with anthropomorphic burial sites, which indicate the existence of h...
మరింత చదవండి

కదిరి

చిత్రం
    కదిరి పరిసర ప్రాంతాలను 3 వ శతాబ్దంలో పల్లవ రాజులు, 7వ శతాబ్దంలో పశ్చిమ చాళుక్య రాజులు పాలించారు. క్రీ.శ 985 _1076  మధ్యకాలంలో పశ్చిమ చాళుక్యులు పరిపాలించారు. కదిరి లో లక్ష్మీనరసింహాస్వామి ఆలయం నిర్మించక ముందు చాళుక్యులు క్రీ.శ. 965-1076 కాలంలో దుర్గాదేవి ఆలయ నిర్మాణం చేపట్టినట్లు చారిత్రక కథనాల ద్వారా తెలుస్తోంది. దుర్గాదేవి విగ్రహాన్ని కృష్ణవర్ణశిలతో అతి సుందరంగా చెక్కించి తమకాలపు ప్రత్యేకతను నాటి రాజులు చాటుకున్నారు. వీరి తరువాత క్రీ.శ1191 సంవత్సరం వరకు పశ్చిమ చాళుక్యులు , క్రీ.శ.1212 వరకు హొయసల వంశస్థులైన బల్లాల రాజులు పరిపాలించారు. క్రీ.శ. 1274లో  వీర బుక్కరాయలు విజయనగరమహా సామ్రాజ్యాన్ని పాలించేవాడు. ఆయన ఆ నాటి ఖాద్రి ప్రాంతాన్ని సందర్శించినప్పుడు ఇక్కడ భృగుమహర్షి పూజించిన స్థలాన్ని గుర్తించి ఒక మండపాన్ని నిర్మించాడు. దీన్ని క్రీ.శ 1275లో   నిర్మించినట్లు ఇక్కడి శాసనాలు చెపుతున్నాయి .        పూర్వపు కదిరి తాలూకా ప్రస్తుతం ఉన్న గాండ్లపెంట మండలంలో ఉండేది. ఇదంతా అటవీ ప్రాంతంగా ఉండేది ఇక్కడ ఖాద్రీ వృక్షాలతో  ఉన్న మనో...
మరింత చదవండి

నిస్వార్థ ప్రజానాయకుడు ఎద్దుల ఈశ్వర రెడ్డి

నిస్వార్థ ప్రజానాయకుడు ఎద్దుల ఈశ్వర రెడ్డి     ‌ జమ్మలమడుగు తాలూకా పెద్ద పసుపులలోవెంకట సుబ్బారెడ్డి, మల్లమ్మ దంపతులకు 1915‌నవంబర్ 11న జన్మించారు. వారిది పెద్ద భూస్వామ్య కుటుంబం.       వీరు1936లో గ్రాడ్యుయేషన్ ను అనంతపురంలో పూర్తి చేశాక ప్రజాసేవలో నిమగ్నమైనారు. కాంగ్రెస్ పార్టీ లో చేరి 1936 నుండి 1941లో వ్యక్తి సత్యాగ్రహంలో పాల్గొన్నారు. పాలూరులో జిల్లా కిసాన్ సభను జరిపారు.            1938 సంవత్సరం లో జమ్మలమడుగు కు సమీపంలో ఉన్న పెద్ద పసుపులు గ్రామంలోని వై. ఈశ్వరరెడ్డి, నూకల కొండయ్యలు సంగమేశ్వర రెడ్డి, మోకా వెంకట సుబ్బయ్య లో పరిచయంతో కమ్యూనిస్టులు గా మారినారు.        చెన్నూరులో ఎద్దుల ఈశ్వర్ రెడ్డి 28-5-1941న సత్యాగ్రహం చేసినాడు. ఆయనకు 3నెలల జైలు శిక్ష, 100 రూపాయల జరిమానా విధించింది బ్రిటీష్ ప్రభుత్వం. జైలు నుండి విడుదలైన తర్వాత కమ్యూనిస్టు పార్టీలో చేరారు .       ‌1943 నాటికి ఆలంఖాన్ పల్లి, పెద్దపసుపులు గ్రామాలు కమ్యూనిస్టు పార్టీ కేంద్రాలుగా ఏర్పడ్డాయి. 1942-43లలో ఆలంఖాన్ పల్లి, ర...
మరింత చదవండి