అనంతపురం జిల్లాలో సాహిత్య వికాసం






    
                                     
        “క్షామములెన్ని వచ్చినా రసజ్ఞత మాత్రము చావలేదు, జ్ఞానమృత దృష్టికిన్ కొరతనందని రాయలసీమ లోపలన్” అని డాక్టర్ నండూరి కృష్ణమాచార్యులు చెప్పినట్లు రాయలసీమలోని అనంతపురము జిల్లాలో ప్రాచీన కాలంనుండి నేటి వరకు సాహిత్య వికాసం నిరంతరాయంగా ఫరిడ విల్లుతోంది.
        ప్రాచీన సాహిత్యాన్ని మినహాయిస్తే, ఆధునిక సాహిత్యమంతా సంక్షోభ సమాజ ప్రతిబింబమే. కరువు రక్కసి కోరల్లో చిక్కుకున్న జీవితాన్ని, ఫ్యాక్షన్ రాజకీయాలను, రాజకీయ క్రీనిడల్ని సాహిత్యం ఆవిష్కరిస్తోంది.
        సాహిత్యానికి, ఆర్థిక సామాజిక పరిస్థితులకు,
రాజకీయ పరిస్థితులకు పరస్పర సంబంధముంది. కాలానుగుణంగా సాహిత్యంలో రూపం మారినట్లే,
వస్తువూ మారుతూవస్తోంది. కాకపోతే జిల్లాలో ఉన్న నైసర్గిక స్వభావం వల్ల ఇక్కడ కరువు తాండ వించడం, దానికి తోడు పాలకవర్గాల నిర్లక్ష్యం, ప్రజల అమాయకత్వం వెరసి సాహిత్యంలో వ్యదార్థ జీవన దృశ్యం అణుమాత్రం కూడా మారలేదు. అయితే జిల్లా రాజకీయ పరిణామాల వల్ల, ప్రజా ఉద్యమాల వల్ల, సాహిత్య కారుల్లో సామాజిక చైతన్యం విస్తృతమైంది. ప్రజా జీవితాన్ని కాకుండా
నేలవిడిచి సాముచేసే సాహిత్యం ఇక్కడకనిపించదు. వామపక్ష ప్రజాతంత్ర శక్తుల ప్రభావం సాహిత్యకారు లపై, సాహిత్య విమర్శకులపై ప్రబలంగా ఉండటం వల్ల అనంతపురము జిల్లా సాహిత్యం తెలుగు సాహితీయవనికపై తనదైన ముద్రను వేసుకొంది.
        వ్యవస్థను ప్రశ్నించడం, ఉన్నది ఉన్నట్లు చెప్పడం వల్ల పాఠకులు తాననుభవిస్తున్న స్థితికి లోనై కళ్ళు చెమర్చుతారు. అదే సందర్భంలో
సాహిత్య కారులకు ప్రత్యామ్నాయ పరిష్కారం లభించక పోవడం వల్ల, పరిష్కారమార్గాలను సరిగా సూచించలేక పోతున్నారు. దాంతో పాఠకులు నిరాశ నిస్పృహలకు లోనవుతున్నారు. సాహిత్యకారులు ఎవరైతే ప్రజా జీవితాన్ని కేవలం వీక్షించకుండా పూర్తిగా తొంగిచూస్తున్నారో వారుప్రత్యమ్నాయాలను అన్వేషించ గలుగుతున్నారు.
        ఏది ఏమైనప్పటికీ ఇక్కడ భూస్వామిక సమాజ వాసన ఇంకా వేళ్ళూనుకొని వుండటం వల్ల ఇప్పటికీ అవధానం పట్ల ప్రజల్లో భ్రమలు బాగా ఉన్నాయి. అవధానాన్ని రాళ్ళపల్లి అనంతకృష్ణ శర్మ ' దొమ్మరోల్ల ఆట' గా అభివర్ణించాడు. వ్యక్తి ఆరాధన విపరీతంగా ఉంది. మూఢ విశ్వాసాలు రాజ్యమేలు తున్నాయి. సామాజిక సంఘర్షణ కన్నా సర్దుబాటు ధోరణులే ఎక్కువగా ఉన్నాయి. వీటి ప్రభావం సాహిత్య కారులపై స్పష్టంగా ఉంది.
       సాహిత్యకారుల రచనల్లో ఉన్న స్పష్టత , వాస్తవ జీవితంలో  కొరవడడానికి ఇదే కారణం. అంటేనిబద్దత లేకపోవడం ఒక బలహీనతగా చెప్పవచ్చు.

___పిళ్లా కుమారస్వామి


కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

The unexplored relics of Rayalaseema

చిత్రం
The unexplored relics of Rayalaseema  Published - October 28, 2023 08:07 am IST - TIRUPATI The region is dotted with anthropomorphic burial sites, which indicate the existence of human civilisation here during the megalithic era, between 500 and 300 BC A.D. Rangarajan A pillared dolmen of the megalithic era found at Mallayyagaripalle near Tirupati.. | Photo Credit: Special Arrangement The numerous monuments and heritage sites in the Rayalaseema region, comprising the southern districts of Andhra Pradesh, stand as tall reminders of the region’s historical significance. The culture in the region also greatly reflects the mark that the many dynasties that once ruled the land made on its people. However, the burial sites from the megalithic era spread across the region reveal that the land’s history is much richer than many know. The region also finds its references in Hindu mythology. Tirupati district is dotted with anthropomorphic burial sites, which indicate the existence of h...
మరింత చదవండి

కదిరి

చిత్రం
    కదిరి పరిసర ప్రాంతాలను 3 వ శతాబ్దంలో పల్లవ రాజులు, 7వ శతాబ్దంలో పశ్చిమ చాళుక్య రాజులు పాలించారు. క్రీ.శ 985 _1076  మధ్యకాలంలో పశ్చిమ చాళుక్యులు పరిపాలించారు. కదిరి లో లక్ష్మీనరసింహాస్వామి ఆలయం నిర్మించక ముందు చాళుక్యులు క్రీ.శ. 965-1076 కాలంలో దుర్గాదేవి ఆలయ నిర్మాణం చేపట్టినట్లు చారిత్రక కథనాల ద్వారా తెలుస్తోంది. దుర్గాదేవి విగ్రహాన్ని కృష్ణవర్ణశిలతో అతి సుందరంగా చెక్కించి తమకాలపు ప్రత్యేకతను నాటి రాజులు చాటుకున్నారు. వీరి తరువాత క్రీ.శ1191 సంవత్సరం వరకు పశ్చిమ చాళుక్యులు , క్రీ.శ.1212 వరకు హొయసల వంశస్థులైన బల్లాల రాజులు పరిపాలించారు. క్రీ.శ. 1274లో  వీర బుక్కరాయలు విజయనగరమహా సామ్రాజ్యాన్ని పాలించేవాడు. ఆయన ఆ నాటి ఖాద్రి ప్రాంతాన్ని సందర్శించినప్పుడు ఇక్కడ భృగుమహర్షి పూజించిన స్థలాన్ని గుర్తించి ఒక మండపాన్ని నిర్మించాడు. దీన్ని క్రీ.శ 1275లో   నిర్మించినట్లు ఇక్కడి శాసనాలు చెపుతున్నాయి .        పూర్వపు కదిరి తాలూకా ప్రస్తుతం ఉన్న గాండ్లపెంట మండలంలో ఉండేది. ఇదంతా అటవీ ప్రాంతంగా ఉండేది ఇక్కడ ఖాద్రీ వృక్షాలతో  ఉన్న మనో...
మరింత చదవండి

నిస్వార్థ ప్రజానాయకుడు ఎద్దుల ఈశ్వర రెడ్డి

నిస్వార్థ ప్రజానాయకుడు ఎద్దుల ఈశ్వర రెడ్డి     ‌ జమ్మలమడుగు తాలూకా పెద్ద పసుపులలోవెంకట సుబ్బారెడ్డి, మల్లమ్మ దంపతులకు 1915‌నవంబర్ 11న జన్మించారు. వారిది పెద్ద భూస్వామ్య కుటుంబం.       వీరు1936లో గ్రాడ్యుయేషన్ ను అనంతపురంలో పూర్తి చేశాక ప్రజాసేవలో నిమగ్నమైనారు. కాంగ్రెస్ పార్టీ లో చేరి 1936 నుండి 1941లో వ్యక్తి సత్యాగ్రహంలో పాల్గొన్నారు. పాలూరులో జిల్లా కిసాన్ సభను జరిపారు.            1938 సంవత్సరం లో జమ్మలమడుగు కు సమీపంలో ఉన్న పెద్ద పసుపులు గ్రామంలోని వై. ఈశ్వరరెడ్డి, నూకల కొండయ్యలు సంగమేశ్వర రెడ్డి, మోకా వెంకట సుబ్బయ్య లో పరిచయంతో కమ్యూనిస్టులు గా మారినారు.        చెన్నూరులో ఎద్దుల ఈశ్వర్ రెడ్డి 28-5-1941న సత్యాగ్రహం చేసినాడు. ఆయనకు 3నెలల జైలు శిక్ష, 100 రూపాయల జరిమానా విధించింది బ్రిటీష్ ప్రభుత్వం. జైలు నుండి విడుదలైన తర్వాత కమ్యూనిస్టు పార్టీలో చేరారు .       ‌1943 నాటికి ఆలంఖాన్ పల్లి, పెద్దపసుపులు గ్రామాలు కమ్యూనిస్టు పార్టీ కేంద్రాలుగా ఏర్పడ్డాయి. 1942-43లలో ఆలంఖాన్ పల్లి, ర...
మరింత చదవండి