అనంత సాహితీ కర్షకుడు కల్లూరు రాఘవేంద్రరావు

  
         

         కల్లూరు రాఘవేంద్రరావు తల్లిదండ్రులు కల్లూరు అహోబలరావు,సీతమ్మ దంపతులు. అహోబలరావు ఉపాధ్యాయులు గా కళ్యాణదుర్గం లో పనిచేస్తున్న సందర్భం లో రాఘవేంద్రరావు 1.6.1946లో ఎనిమిదవ సంతానంగా అక్కడే జన్మించారు.కానీ వీరి కుటుంబ మూలాలు మాత్రం కల్లూరు గ్రామంలో ఉన్నాయి. తన తండ్రి అనంతపురం లో పనిచేస్తున్నప్పుడు ప్రాథమిక విద్య అక్కడే పూర్తి చేశారు. హైస్కూలు విద్యను హిందూపురంలో పూర్తి చేశారు. అంబేద్కర్ సార్వత్రిక విశ్వవిద్యాలయంలో బీఏ డిగ్రీ పొందారు. 1966లో హిందూపురంలో టీచర్ ట్రైనింగ్ పూర్తి అయిన వెంటనే లేపాక్షి మండలంలోని సిరిపురం లో , తదనంతరం 1969లో హిందూపురంలో కూడా పనిచేశారు.

1974లో హిందూపురం మున్సిపాలిటీ అయిన తర్వాత అక్కడే 1998 వరకు వివిధ మున్సిపల్ పాఠశాలల్లో పని చేశారు. 1999లో  ప్రధానోపాధ్యాయుని గా పదోన్నతి పొందారు. 2004లో పదవీ విరమణ పొందే వరకు రహమత్ పురం లో పని చేసేవారు.
అహోబల రావు కవి కావడం వల్ల తన కుమారుడు రాఘవేంద్ర రావును కూడా సాహిత్య కారునిగా మారడానికి కావాల్సినంత ప్రోత్సాహాన్ని ఇచ్చారు . దాంతో ఆయన చిన్నతనం నుంచే బాలగేయాలు,పిల్లల కథలు రాశారు ."పాలపిట్ట"శీర్షికతో నవ్య వార పత్రికలో అనేక కథలు వచ్చినాయి. "స్వర్గానికి దుప్పట్లు" పేరుతో బాల కథలను, చిలకల తోట పేరుతో బాలగేయాలు ప్రచురించారు. తండ్రి పనిచేస్తున్న పాఠశాలలోనే రాఘవేంద్రరావు చదివారు .ఆ సందర్భంలో పాఠశాలలో జరిగే సభలో ప్రార్థనా గీతాన్ని పాడటానికి  రాఘవేంద్రరావు అవకాశం దొరికేది. ఇంట్లో ప్రతిరోజు తండ్రి ద్వారా అనేక శతక పద్యాలు కూడా నేర్చుకున్నారు. ఏడో తరగతి చదువుతున్నప్పుడే మీసాల పై "మీసాలు" అనే శీర్షికతో కవిత రాశాడు. పాఠశాల పత్రిక నవోదయలో ఆ కవితను కూడా ప్రచురించారు. అప్పుడు ఉపాధ్యాయులు ఇచ్చిన ప్రోత్సాహంతో చంద్రునిపై "మా వెంట పడ్డాడు నా మేనమామ" అనే గేయాన్ని రాసి  కృష్ణా పత్రిక కు పంపిస్తే వారు దాన్ని ప్రచురించారు.
        ఉపాధ్యాయులు ఆనాటి దేశ రాజకీయ నాయకుల స్వాతంత్ర పోరాటాన్ని వారి దేశభక్తి గురించి చక్కగా వివరించి చెప్పేవారు. ఆ రకంగా విద్యార్థుల్లో దేశభక్తిని రగిలించే వారు. ఓసారి నెహ్రూ వచ్చినప్పుడు నెహ్రూ చూడాలన్న తపన తో తండ్రి భుజాల మీదకి ఎక్కి నెహ్రూకు జై అన్న సంఘటన ఆయన ఇప్పటికీ గుర్తుంది. అలాగే పొట్టి శ్రీరాములు మరణించినప్పుడు ఆయన భౌతిక కాయాన్ని సందర్శించి కన్నీళ్లు కార్చిన సంఘటన ఆయన జీవితంలో మర్చిపోనిది.
           వివిధ పత్రికల్లో వచ్చే బలివాడ కాంతారావు,పెద్దిబొట్ల సుబ్బరామయ్య, శీలా వీర్రాజు ఆదివిష్ణు మొదలైన రచయితలు రాసిన కథలను చదివి అర్థం చేసుకున్నాడు. రచయితలు కథలు రాస్తారని రచయిత్రులు నవలలు  రాస్తారని భావించేవాడు మొదట్లో ఆ రోజుల్లో ఎక్కువగా జరుగుతూ ఉండేది. ఇప్పుడైతే అందరూ అన్నీ రాస్తున్నారు. కథా రచనకు మార్గదర్శి ఎవరూ లేకపోవడం వల్ల తను రాసిన పంపిన కథలన్నీ వెనక్కి తిరిగి వచ్చేవి. అయితే హిందూపురంలో "కథా కల్పనాలయం" ఏర్పడ్డాక కొత్త రచయితలకు సీనియర్ రచయితలు వర్క్ షాప్ ఏర్పాటు చేసేవారు.దాంట్లో రాఘవేంద్రరావు కథలు రాయడం బాగా నేర్చుకున్నారు. తన తొలి కథ ఆంధ్రప్రభలో వచ్చింది.ఆ తర్వాత ఎన్నో కథలు రాశాడు. ఆ కథానికల న్నింటినీ 2013లో "మూడు కాళ్ళ మేక "పేరుతో కథా సంపుటిని వెలువరించారు. 
దీనిపై మద్రాసు తెలుగు విశ్వవిద్యాలయం వారు అక్కడ  చదివే విద్యార్థులకు ఎం ఫిల్ చేయడానికి అనుమతి ఇచ్చారు. ఆయన కథల్లో కులమతాల ఆచారాలనే అడ్డుగోడలను చేధించాలని, జంతు సంరక్షణ అవసరమని చెప్పే సందేశాలు ఉండేవి. సామాజిక రాజకీయ కుటుంబ స్థితిగతులపై వ్యంగ్యాత్మకంగా హాస్యం స్ఫోరకంగా చురకలు అంటిస్తూ గిలిగింతలు పెడుతూ ఉంటాయి. ఆయన కథలు మానసిక ఉల్లాసాన్ని కలిగిస్తూ మంచి ఆలోచనలు రేకెత్తించే విధంగా ఉండాలని భావించి  తనకథలను రాశారాయన. ప్రతి కథలో కొత్త విషయం చెప్పాలని, భిన్నమైన అంశాలను తీసుకురావాలని ఆయన భావిస్తారు. ప్రతి రచయిత తన చుట్టూ ఉన్న సమాజాన్ని తప్పకుండా తన సాహిత్యంలో రాయకుండా ఉండలేడు. ముఖ్యంగా అనంతపురంలో ఆక్టోపస్ లా విస్తరించిన కరువు కోరల గురించి రాఘవేంద్ర తన కథల్లో ప్రస్తావించడం ఆశ్చర్యం కాదు. చెరువు కింద భూములు చిన్నకారు రైతులు కోరుకు (కౌలుకు) తీసుకుని సేద్యం   చేస్తుంటారు.
           నీళ్లు లేని రైతులు తమ భూములకు  సొంత భూమి గల యజమాని దగ్గర్నుంచి డబ్బు చెల్లించి నీళ్లను తోడుకొని చెరుకు తోటలు కాపాడు కుంటూ ఉంటారు. ఆ సందర్భంలో డబ్బు చెల్లించని రైతులతో యజమానులు ఆ రైతులు తమ ఆడబిడ్డలను రాత్రికి పంపమని కోరినప్పుడు ఆ రైతులు పడ్డ మనోవేదనను "ముందుచూపు"కథలో వివరిస్తాడు. కరువు బారిన పడిన కౌలు రైతు జీవితం ఎలా ఉంటుందో తన "దయ్యం కథ"లో వివరిస్తాడు. పక్క రాష్ట్రాలు తమ సరిహద్దు నదులకు ఆనకట్టలు కట్టినప్పుడు అనంతపురం జిల్లా లోని చెరువులకు నీళ్లు రాక పోవడం వంటి సమస్యలను కూడా కథల్లో ప్రస్తావించారు.
       విద్యార్థులకు ఆయన అందిస్తున్న సేవలను, పిల్లల్లో ఉన్న సృజనాత్మక శక్తిని బయటికి తీస్తున్న  ఆయన కృషిని గమనించి ఉత్తమ ఉపాధ్యాయుని పురస్కారం కూడా ఇచ్చారు. 
మచిలీపట్నంలోని ఆంధ్ర సారస్వత సమితి ద్వారా ఉగాది పురస్కారం కూడా లభించింది.
        నా పుస్తకం పేరుతో శ్రీకృష్ణ దేవరాయ గ్రంథమాల సంస్థ ద్వారా రచయిత లు ప్రచురించిన  పుస్తకాలను సంవత్సరానికి 600 రూపాయలతో సభ్యత్వం తీసుకొన్న వారందరికీ ప్రతి నెలా ఒక పుస్తకాన్ని పంపిస్తూ సాహిత్య సేవ చేస్తున్నారు.రచయితలకు మార్కెటింగ్ సౌకర్యం కల్పిస్తున్నారు. ఆయన "తెగని బంధాలు" నవల కూడా రాశారు. ఇంకో విశేషమేమంటే రాయలసీమ రచయితల గురించి ఆయన తండ్రి నాలుగు సంపుటాలుగా గ్రంథాలను తీసుకొచ్చారు. వాటన్నిటినీ తన చిన్నతనంలోనే తండ్రికి సహకరిస్తూ ఈయన రాశారు. ఇప్పటికీ అనేక కథలు  బాలగేయాలు రాస్తూనే ఉన్నారు.భవిష్యత్తులో మంచి రచనలు ఆయన నుంచి ఇంకా రావాలని కోరుకుందాం.

    ___ పిళ్లా విజయ్9490122229

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

The unexplored relics of Rayalaseema

చిత్రం
The unexplored relics of Rayalaseema  Published - October 28, 2023 08:07 am IST - TIRUPATI The region is dotted with anthropomorphic burial sites, which indicate the existence of human civilisation here during the megalithic era, between 500 and 300 BC A.D. Rangarajan A pillared dolmen of the megalithic era found at Mallayyagaripalle near Tirupati.. | Photo Credit: Special Arrangement The numerous monuments and heritage sites in the Rayalaseema region, comprising the southern districts of Andhra Pradesh, stand as tall reminders of the region’s historical significance. The culture in the region also greatly reflects the mark that the many dynasties that once ruled the land made on its people. However, the burial sites from the megalithic era spread across the region reveal that the land’s history is much richer than many know. The region also finds its references in Hindu mythology. Tirupati district is dotted with anthropomorphic burial sites, which indicate the existence of h...
మరింత చదవండి

కదిరి

చిత్రం
    కదిరి పరిసర ప్రాంతాలను 3 వ శతాబ్దంలో పల్లవ రాజులు, 7వ శతాబ్దంలో పశ్చిమ చాళుక్య రాజులు పాలించారు. క్రీ.శ 985 _1076  మధ్యకాలంలో పశ్చిమ చాళుక్యులు పరిపాలించారు. కదిరి లో లక్ష్మీనరసింహాస్వామి ఆలయం నిర్మించక ముందు చాళుక్యులు క్రీ.శ. 965-1076 కాలంలో దుర్గాదేవి ఆలయ నిర్మాణం చేపట్టినట్లు చారిత్రక కథనాల ద్వారా తెలుస్తోంది. దుర్గాదేవి విగ్రహాన్ని కృష్ణవర్ణశిలతో అతి సుందరంగా చెక్కించి తమకాలపు ప్రత్యేకతను నాటి రాజులు చాటుకున్నారు. వీరి తరువాత క్రీ.శ1191 సంవత్సరం వరకు పశ్చిమ చాళుక్యులు , క్రీ.శ.1212 వరకు హొయసల వంశస్థులైన బల్లాల రాజులు పరిపాలించారు. క్రీ.శ. 1274లో  వీర బుక్కరాయలు విజయనగరమహా సామ్రాజ్యాన్ని పాలించేవాడు. ఆయన ఆ నాటి ఖాద్రి ప్రాంతాన్ని సందర్శించినప్పుడు ఇక్కడ భృగుమహర్షి పూజించిన స్థలాన్ని గుర్తించి ఒక మండపాన్ని నిర్మించాడు. దీన్ని క్రీ.శ 1275లో   నిర్మించినట్లు ఇక్కడి శాసనాలు చెపుతున్నాయి .        పూర్వపు కదిరి తాలూకా ప్రస్తుతం ఉన్న గాండ్లపెంట మండలంలో ఉండేది. ఇదంతా అటవీ ప్రాంతంగా ఉండేది ఇక్కడ ఖాద్రీ వృక్షాలతో  ఉన్న మనో...
మరింత చదవండి

నిస్వార్థ ప్రజానాయకుడు ఎద్దుల ఈశ్వర రెడ్డి

నిస్వార్థ ప్రజానాయకుడు ఎద్దుల ఈశ్వర రెడ్డి     ‌ జమ్మలమడుగు తాలూకా పెద్ద పసుపులలోవెంకట సుబ్బారెడ్డి, మల్లమ్మ దంపతులకు 1915‌నవంబర్ 11న జన్మించారు. వారిది పెద్ద భూస్వామ్య కుటుంబం.       వీరు1936లో గ్రాడ్యుయేషన్ ను అనంతపురంలో పూర్తి చేశాక ప్రజాసేవలో నిమగ్నమైనారు. కాంగ్రెస్ పార్టీ లో చేరి 1936 నుండి 1941లో వ్యక్తి సత్యాగ్రహంలో పాల్గొన్నారు. పాలూరులో జిల్లా కిసాన్ సభను జరిపారు.            1938 సంవత్సరం లో జమ్మలమడుగు కు సమీపంలో ఉన్న పెద్ద పసుపులు గ్రామంలోని వై. ఈశ్వరరెడ్డి, నూకల కొండయ్యలు సంగమేశ్వర రెడ్డి, మోకా వెంకట సుబ్బయ్య లో పరిచయంతో కమ్యూనిస్టులు గా మారినారు.        చెన్నూరులో ఎద్దుల ఈశ్వర్ రెడ్డి 28-5-1941న సత్యాగ్రహం చేసినాడు. ఆయనకు 3నెలల జైలు శిక్ష, 100 రూపాయల జరిమానా విధించింది బ్రిటీష్ ప్రభుత్వం. జైలు నుండి విడుదలైన తర్వాత కమ్యూనిస్టు పార్టీలో చేరారు .       ‌1943 నాటికి ఆలంఖాన్ పల్లి, పెద్దపసుపులు గ్రామాలు కమ్యూనిస్టు పార్టీ కేంద్రాలుగా ఏర్పడ్డాయి. 1942-43లలో ఆలంఖాన్ పల్లి, ర...
మరింత చదవండి