జిల్లాలో వికసించిన ప్రబంధ, ఆధ్యాత్మిక సాహిత్యం




                 
         ప్రాచీన సాహిత్యాన్ని అధ్యయనం చేసినపుడు 16వ శతాబ్దంలో వసు చరిత్ర రాసిన రామరాజ భూషణుడు కొంతకాలం పెనుకొండలో నివసించినట్లుచారిత్రక ఆధారాలున్నాయి. వసుచరిత్రలో ఆయన వర్ణించిన కోలాహల పర్వతమే పెనుకొండ అనీ, సుక్తిమతీనదే చిత్రావతి నది అని చెపుతారు.

         17వ శతాబ్దంలో పాఠకులకు ఆసక్తి పెంచే 'శుకసప్తతి' కథా కావ్యాన్ని రాసిన 'పాలవేకరి కదిరీపతి' ఈ జిల్లాలోని కదిరి ప్రాంతం వాడనేందుకుచారిత్రక ఆధారాలున్నాయి. ఈ కావ్యంలో ఆనాటి సామాజిక పరిస్థితులు పుష్కలంగా కనిపిస్తాయి.    అదే 17వ శతాబ్దంలోనే సమాజంలోని కల్మషాన్ని తన పద్యాలతో కడిగేస్తూ, మంచి చెడ్డలను సమీక్షిస్తూ, ప్రజలలో మూఢ విశ్వాసాలను ఖండిస్తూ
ప్రజాచైతన్యం రగిలిస్తూ ఆలవెలదులలో పద్యాలను సరళసుబోధకంగా అల్లిన 'ప్రజాకవి వేమన' కదిరి ప్రాంతంలోనే ఉన్నట్లు, గాండ్లపెంట మండలంలోని కటారుపల్లె గ్రామంలో సమాధి అయినట్లు అనేక చారిత్రక ఆధారాలను బట్టి తెలుస్తోంది. 
ప్రాచీన కవుల్లో వేమనది విశిష్ట స్థానం. తన సమకాలీన సామాజిక వ్యవస్థలో వున్న దుర్లక్షణాలను
తీవ్రంగా విమర్శించిన కవి వేమన ఒక్కడే. అస్పృశ్యతను మతఛాందసత్వాన్ని, కర్మ కాండను, మూఢ విశ్వాసాలను, స్త్రీ వ్యామోహం, స్వార్థం, మోసం లాంటి గుణాలను నిస్సంకోచంగా విమర్శించి సామాజిక సంస్కరణకు నడుంకట్టిన కవి వేమన. 'భూమి నాదియన్న ఫక్కున
నవ్వు" అంటూ భూమిపై వున్న వ్యామోహాన్ని తగ్గించు కోవాలన్నాడు. “శ్రమమున బుట్టు సర్వంబు తానౌను" అని శ్రమైక జీవన గౌరవాన్ని వేమన కీర్తించాడు.
        భూస్వామిక సమాజంలో పుట్టి విశేష ఆదరణ పొందిన అవధాన ప్రక్రియ నేటికీ ప్రజాదరణ పొందడం విశేషం. భూస్వామిక భావజాలం ఉన్నచోట వ్యక్తిపూజ, వ్యక్తి ఆరాధన ఉంటుంది. ఇప్పటికీ యువత ఎవరో ఒకరిని కీర్తిస్తూ పూజిస్తూ ఉండడం సహజంగానే ఉంది. భూస్వామిక భావజాలం ఇంకా ప్రజల్లో ప్రబలంగా ఉందనడానికి ఇది నిదర్శనం గా చెప్పవచ్చు. కుంటి మద్ది శ్రీనివాసా
చార్యులు శతావధానం చేసేవారు. కవితానంద వాల్మీకి రామాయణాన్ని రాసిన సోంపల్లి కృష్ణమూర్తి అష్టావధానాలు చేసేవారు. పామురాయిగ్రామానికి చెందిన అల్లసాని రామనాధ కవి కూడా అష్టావధానంలో దిట్ట. వర్తమాన కాలంలో (2015లో) మడకశిర ప్రభావతి ప్రథమ మహిళా శతాధిక అవధానిగా ప్రసిద్ధి పొందారు. 
అవధాన ప్రక్రియలో, పద్యరచనలో ఆశావాది ప్రకాశరావు ఎంతో పేరు ప్రఖ్యాతులు గడించారు. ఆయన ప్రథమ దళిత అవధానిగా ప్రసిద్ధుడు. 
        ఆధ్యాత్మిక విషయాలపై రాసిన వారిలో ఎల్లమరాజు నారాయణ భట్టు, పెనకల పాటి కాగలూరు రుద్రకవి, వేదాంతం లక్ష్మయ్య, రాప్తాటి ఓబిరెడ్డి, మరూరు లక్ష్మీనరసప్ప, మొదలైన వారున్నారు. చిత్రకవిత్వ ప్రక్రియలో కవితా చిత్రములతో 'నిర్యోష్టశతకం' కావ్యాన్ని రాప్తాటి ఓబిరెడ్డి రచించారు. శివతాండవం తదితర గ్రంథాలను రాసి సరస్వతీ పుత్రుడనే బిరుదును
పొందిన పుట్టపర్తి సత్యనారాయణచార్యులు కడపలోనే ఎక్కువగా నివసించినాజన్మస్థలం మాత్రం అనంతపురము జిల్లానే. రాయదుర్గంలోని గుమ్మగుట్ట మండలానికి చెందిన కలుగోడు అశ్వరరావు 'అశ్వర్థ భారతం' రాశారు. కుంటిమద్ది
శేషశర్మ మనుచరిత్రను సంస్కృతంలోకి అనువదించారు. రత్నాకర బాలరాజు
'బౌద్ధయుగం' అనే గ్రంథాన్ని రచించారు. డాక్టర్ సర్వేపల్లి రాసిన బ్రహ్మసూత్రాలుపుస్తకాన్ని తెలుగులోకి అనువదించారు. సి.వి.రామారావు, వి. భీమారావు పెర్ల్ బక్ రాసిన ' గుడ్ ఎర్త్' గ్రంథాన్ని సుక్షేత్రం పేరుతో తెలుగులోకి అనువదించారు. తలమర్ల కళానిధి 'దక్షిణేశ్వరభాగవతం' లాంటి అనేక పద్యకావ్యాలు రచించారు.

     __ పిళ్లా విజయ్,9490122229


కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

The unexplored relics of Rayalaseema

చిత్రం
The unexplored relics of Rayalaseema  Published - October 28, 2023 08:07 am IST - TIRUPATI The region is dotted with anthropomorphic burial sites, which indicate the existence of human civilisation here during the megalithic era, between 500 and 300 BC A.D. Rangarajan A pillared dolmen of the megalithic era found at Mallayyagaripalle near Tirupati.. | Photo Credit: Special Arrangement The numerous monuments and heritage sites in the Rayalaseema region, comprising the southern districts of Andhra Pradesh, stand as tall reminders of the region’s historical significance. The culture in the region also greatly reflects the mark that the many dynasties that once ruled the land made on its people. However, the burial sites from the megalithic era spread across the region reveal that the land’s history is much richer than many know. The region also finds its references in Hindu mythology. Tirupati district is dotted with anthropomorphic burial sites, which indicate the existence of h...
మరింత చదవండి

కదిరి

చిత్రం
    కదిరి పరిసర ప్రాంతాలను 3 వ శతాబ్దంలో పల్లవ రాజులు, 7వ శతాబ్దంలో పశ్చిమ చాళుక్య రాజులు పాలించారు. క్రీ.శ 985 _1076  మధ్యకాలంలో పశ్చిమ చాళుక్యులు పరిపాలించారు. కదిరి లో లక్ష్మీనరసింహాస్వామి ఆలయం నిర్మించక ముందు చాళుక్యులు క్రీ.శ. 965-1076 కాలంలో దుర్గాదేవి ఆలయ నిర్మాణం చేపట్టినట్లు చారిత్రక కథనాల ద్వారా తెలుస్తోంది. దుర్గాదేవి విగ్రహాన్ని కృష్ణవర్ణశిలతో అతి సుందరంగా చెక్కించి తమకాలపు ప్రత్యేకతను నాటి రాజులు చాటుకున్నారు. వీరి తరువాత క్రీ.శ1191 సంవత్సరం వరకు పశ్చిమ చాళుక్యులు , క్రీ.శ.1212 వరకు హొయసల వంశస్థులైన బల్లాల రాజులు పరిపాలించారు. క్రీ.శ. 1274లో  వీర బుక్కరాయలు విజయనగరమహా సామ్రాజ్యాన్ని పాలించేవాడు. ఆయన ఆ నాటి ఖాద్రి ప్రాంతాన్ని సందర్శించినప్పుడు ఇక్కడ భృగుమహర్షి పూజించిన స్థలాన్ని గుర్తించి ఒక మండపాన్ని నిర్మించాడు. దీన్ని క్రీ.శ 1275లో   నిర్మించినట్లు ఇక్కడి శాసనాలు చెపుతున్నాయి .        పూర్వపు కదిరి తాలూకా ప్రస్తుతం ఉన్న గాండ్లపెంట మండలంలో ఉండేది. ఇదంతా అటవీ ప్రాంతంగా ఉండేది ఇక్కడ ఖాద్రీ వృక్షాలతో  ఉన్న మనో...
మరింత చదవండి

నిస్వార్థ ప్రజానాయకుడు ఎద్దుల ఈశ్వర రెడ్డి

నిస్వార్థ ప్రజానాయకుడు ఎద్దుల ఈశ్వర రెడ్డి     ‌ జమ్మలమడుగు తాలూకా పెద్ద పసుపులలోవెంకట సుబ్బారెడ్డి, మల్లమ్మ దంపతులకు 1915‌నవంబర్ 11న జన్మించారు. వారిది పెద్ద భూస్వామ్య కుటుంబం.       వీరు1936లో గ్రాడ్యుయేషన్ ను అనంతపురంలో పూర్తి చేశాక ప్రజాసేవలో నిమగ్నమైనారు. కాంగ్రెస్ పార్టీ లో చేరి 1936 నుండి 1941లో వ్యక్తి సత్యాగ్రహంలో పాల్గొన్నారు. పాలూరులో జిల్లా కిసాన్ సభను జరిపారు.            1938 సంవత్సరం లో జమ్మలమడుగు కు సమీపంలో ఉన్న పెద్ద పసుపులు గ్రామంలోని వై. ఈశ్వరరెడ్డి, నూకల కొండయ్యలు సంగమేశ్వర రెడ్డి, మోకా వెంకట సుబ్బయ్య లో పరిచయంతో కమ్యూనిస్టులు గా మారినారు.        చెన్నూరులో ఎద్దుల ఈశ్వర్ రెడ్డి 28-5-1941న సత్యాగ్రహం చేసినాడు. ఆయనకు 3నెలల జైలు శిక్ష, 100 రూపాయల జరిమానా విధించింది బ్రిటీష్ ప్రభుత్వం. జైలు నుండి విడుదలైన తర్వాత కమ్యూనిస్టు పార్టీలో చేరారు .       ‌1943 నాటికి ఆలంఖాన్ పల్లి, పెద్దపసుపులు గ్రామాలు కమ్యూనిస్టు పార్టీ కేంద్రాలుగా ఏర్పడ్డాయి. 1942-43లలో ఆలంఖాన్ పల్లి, ర...
మరింత చదవండి