రాయలసీమలో ప్రాచీన మానవుని అడుగుజాడలు



రాయలసీమలో ప్రాచీన మానవుని అడుగుజాడలు

             తెలుగునేలపై ఆదిమానవుని అడుగు జాడలను రాయలసీమ లో  పురావస్తు శాస్త్రజ్ఞులు కనుగొన్నారు. దీంతో ప్రాచీన చరిత్రకు సంబంధించిన,మూలవాసుల సంస్క్రతీ సాంప్రదాయాలకు సంబంధించిన ఎన్నోవిశేషాలు వెలుగులోకి వచ్చాయి. . వివిధ ప్రదేశాల్లో దొరికిన అనేక రకాల పనిముట్లను , వాటి పరిమాణాలను బట్టి ఆనాటి మానవుల జీవన విధానాన్ని అంచనా వేశారు.           
            పాతరాతియుగమానవులు నదీ ప్రవాహాల వెంట తిరుగుతూ సహజ సిద్ధంగా ఏర్పడిన కొండ గుహల్లోనూ , చరియల కింద నివసిస్తూండేవారు . ఆహారం కోసం జంతువులను వేటాడి , సంచార జీవనం గడపే , ఆ కాలాన్ని ఆహార సేకరణ దశ అని అన్నారు . వాతావరణం , జీవన గమనంలో మారుతున్న పరిస్థితులకు అనుగుణంగా  కొత్త రాతియుగంలో స్థిర నివాసాలు ఏర్పరచుకొన్నారు. కొత్త రాతియుగం తరువాత ఇనుపయుగంలో ఇనుప పనిముట్లు , స్థానికంగా ఉన్న రాతివనరులు , సమాధుల నిర్మాణానికి దోహదం చేసింది.
  
             రాయలసిమలో మధ్య , కొత్త రాతి , ఇనుప యుగాలకు చెందిన శిలాయుగపు చిత్రలేఖనాలున్న స్థావరాలను చింతకుంట , జమ్మలమడుగు , పాలకొండ , ( కడప ) , గాలిబండ ( చిత్తూరు ) , ఆదోని , బొల్లారం , కేతవరం , పులిచెర్ల ( కర్నూలు ) , నాయుడుపల్లి ( ప్రకాశం ) , తెనగల్ , వేల్పు మడుగు ( అనంతపురం ) లలో గుర్తించారు.

       చరిత్ర పూర్వయుగానికి చెందిన దిగువ పాతరాతి యుగం క్రీ . పూ . 1.5 లక్షల నుంచి 1.25 లక్షల సం!!లు , మధ్యపాతరాతి యుగం క్రీ . పూ .1.25 లక్షల నుంచి 40 వేల సం.లు , ఎగువ పాతరాతియుగం క్రీ .పూ . 40 వేల నుంచి 8000 సం.లు , మధ్యసూక్ష్మరాతి యుగం క్రీ . పూ . 8000 నుంచి 3000 సం.లు , కొత్తరాతి యుగం క్రీ .పూ .3000 నుంచి 1000 సం.లు , ఇనుపయుగం క్రీ .పూ.1000 - 600 సం.లుగానూ పురావస్తు శాస్త్రవేత్తలు నిర్ధారించారు . 
              ‌చరిత్రపూర్వ యుగంలో ఆదిమానవుడు అడవుల్లో , కొండగుహల్లో , చరియలక్రింద , జీవించాడు .  అందుబాటులో    ఉన్న వనరులతో జీవించాడు .   మనిషి  తన అవసరాల కోసం  ఉపయోగించిన పనిముట్ల స్వభావాలను బట్టి కాలాన్ని రాతి , రాగి , కంచు , ఇనుప యుగాలుగా విభజించారు. ఇప్పటివరకూ జరిపిన 
పరిశోధనల్లో ప్రాచీన శిలాయుగపు చరిత్రకు సంబంధించి , పురావస్తు పరిశోధనల్లో కర్నూలు , కడప , చిత్తూరు,అనంతపురం జిల్లాల్లో పాత రాతియుగపు(క్రీ . పూ . 1.5 లక్షల నుంచి 1.25 లక్షల సం!!లు) ఆధారాలు చాలా లభించాయి . కడప జిల్లాలో సగిలేరు నదిలోయ ప్రాంతాల లోను , చిత్తూరు జిల్లాలో రాళ్ళకాలువ నదీలోయ ప్రాంతాలలోను ,  అనంతపురం జిల్లా గుంతకల్లు , కర్నూలు జిల్లా వీరాపురం , సంగమేశ్వరం , బేతంచర్ల , బిల్లసర్గం ప్రకాశం జిల్లా గిద్దలూరు , ఎర్రగొండపాలెం , కృష్ణాజిల్లా ఉస్తపల్లి వద్ద రాతియుగపు స్థావరాలను గుర్తించారు . గుంటూరు జిల్లా , నాగార్జున కొండ ప్రాంతాల్లో చేతి గొడ్డల్లతో పాటు , క్లీవర్లు గోకుడు రాళ్లు , గులకరాతి పనిముట్లు లభించాయి . రేణిగుంట , ఎర్రగొండపాలెం ప్రాంతాల్లో బ్లేడ్ , బ్యూరిన్ పరిశ్రమకు చెందిన గోకుడురాళ్ళు , పదును పెట్టని అంచులున్న బ్లేడ్లు , బ్యూరిన్లు , బాణపు మొనలు లభించాయి . ఈ రాతి పనిముట్లతో పాటు , ఎముకలను చీల్చి ముక్కలతో చేసిన గోకుడు పనిముట్లు , బరమాలు , ఉలి అంచుమొనలు , సన్నని బరిశెల వంటి పనిముట్లు కూడా దొరికాయి.

మధ్య రాతి యుగం(క్రీ . పూ .1.25 లక్షల నుంచి 40 వేల సం.లు )

పనిముట్ల తయారీలో కొద్దిపాటి నైపుణ్యాన్ని ప్రదర్శించిన మధ్యరాతి యుగంలో  ప్రాచీన శిలాయుగం కంటే పనిముట్లు నునుపుగా, పదునుగా ఉండేటట్లు తయారు  చేసుకునేవారు.  ఆనాటి మానవులు జంతువుల బారినుండి కాపాడుకోవడానికి ఎత్తయిన కొండ ప్రాంతాల్లో నివసించే జంతువులను,నదీ తీరాల్లో చేపలను వేటాడుతూ గడిపారు. ఈ యుగానికి చెందిన వర్ణచిత్రాలను కడప జిల్లా చింతకుంట, కర్నూలు జిల్లా కేతవరంలలోగుర్తించారు.

రాగి - రాతి యుగం ( క్రీ . పూ . 2000 - 1000 )

          కొత్తరాతి యుగపు చివరి రోజల్లో మానవులు లోహాన్ని కనిపెట్టి , రకరకాల పనిముట్లు తయారు చేసుకొన్నారు . ముందుగా రాగిని , అటు తరువాత కంచును కనిపెట్టి కత్తులు , గొడ్డళ్లు , చేపలను పట్టే గాలాలతోపాటు , కాలికి తొడుక్కునే కడియాలు , చేతిగాజుల్లాంటి ఆభరణాలు కూడా తయారు చేసుకొన్నట్లు  కర్నూలు జిల్లా రామాపురం , బెలుంగుహలు రుజువు చేశాయి . ఈ కాలంలో మానవులు ఒకే చోట అనేక గుడిసెల్లో కుదుళ్లుగా ఒక చిన్న గ్రామంగా నివసించేవారు . మట్టి పాత్రలపై రంగులద్దుకొన్నారు . కుండ మధ్యభాగంలో తాడులాంటి డిజైన్లు కూడా వేసుకొన్నారు . మధ్య ఈనె , రెండంచులూ సన్నగా ఉండే పొడవాటి రాగి కత్తులను కూడా పోతపోసుకొన్నారు . పట్టుకోవడానికి వీలుగా పిడిభాగంలో అటూ ఇటూ రెండు కొనలుండటం వలన వీటిని మీసాల కత్తులనీ , యాంటెన్నా స్వోర్డులనీ పిలిచారు . క్రీ . శ . 2000 
1000 సం.లమధ్యకాలానికి చెందిన ఇలాంటి కత్తులు గుంటూరు జిల్లా గుత్తికొండ బిలంలోనూ , కర్నూలు జిల్లా  బెలుంగుహలోనూ గుర్తించ బడినాయి . చనిపోయిన వారి అస్తికలను కుండల్లో పెట్టి  భూమిలో పాతి పెట్టేవాళ్లు .

ఇనుప యుగం(క్రీ.పూ.1000_600)

       క్రీ . పూ . 1000 నుండి 600 సంవత్సరాల మధ్య నివసించిన ప్రజలు , రాక్షసగుళ్లు(పాండవగుళ్ళు)గా 
పిలువబడే చుట్టూ రాళ్లను రాసిగా పేర్చి అమర్చిన సమాధులలో , అస్థికలతో పాటు చనిపోయిన వ్యక్తులు , వారి జీవితకాలంలో వాడిన ఇనుప పనిముట్లు , బంగారు ఆభరణాలు , మట్టి పాత్రలు , రాగి పరికరాలను నిక్షిప్తం చేశారు . 
           ఈ సమాధులను కట్టిన విధానాన్ని బట్టి  వాటిని కెయిర్న్ లు , డాల్మెన్లు, సిస్టులు మెన్హిర్లుగా పేర్కొన్నారు.కర్నూలు,చిత్తూరు,అనంతపురం,నెల్లూరు,ప్రకాశం,గుంటూరు  జిల్లాలలో  ఇటువంటి  సమాధులు కనుగొన్నారు.

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

The unexplored relics of Rayalaseema

చిత్రం
The unexplored relics of Rayalaseema  Published - October 28, 2023 08:07 am IST - TIRUPATI The region is dotted with anthropomorphic burial sites, which indicate the existence of human civilisation here during the megalithic era, between 500 and 300 BC A.D. Rangarajan A pillared dolmen of the megalithic era found at Mallayyagaripalle near Tirupati.. | Photo Credit: Special Arrangement The numerous monuments and heritage sites in the Rayalaseema region, comprising the southern districts of Andhra Pradesh, stand as tall reminders of the region’s historical significance. The culture in the region also greatly reflects the mark that the many dynasties that once ruled the land made on its people. However, the burial sites from the megalithic era spread across the region reveal that the land’s history is much richer than many know. The region also finds its references in Hindu mythology. Tirupati district is dotted with anthropomorphic burial sites, which indicate the existence of h...
మరింత చదవండి

కదిరి

చిత్రం
    కదిరి పరిసర ప్రాంతాలను 3 వ శతాబ్దంలో పల్లవ రాజులు, 7వ శతాబ్దంలో పశ్చిమ చాళుక్య రాజులు పాలించారు. క్రీ.శ 985 _1076  మధ్యకాలంలో పశ్చిమ చాళుక్యులు పరిపాలించారు. కదిరి లో లక్ష్మీనరసింహాస్వామి ఆలయం నిర్మించక ముందు చాళుక్యులు క్రీ.శ. 965-1076 కాలంలో దుర్గాదేవి ఆలయ నిర్మాణం చేపట్టినట్లు చారిత్రక కథనాల ద్వారా తెలుస్తోంది. దుర్గాదేవి విగ్రహాన్ని కృష్ణవర్ణశిలతో అతి సుందరంగా చెక్కించి తమకాలపు ప్రత్యేకతను నాటి రాజులు చాటుకున్నారు. వీరి తరువాత క్రీ.శ1191 సంవత్సరం వరకు పశ్చిమ చాళుక్యులు , క్రీ.శ.1212 వరకు హొయసల వంశస్థులైన బల్లాల రాజులు పరిపాలించారు. క్రీ.శ. 1274లో  వీర బుక్కరాయలు విజయనగరమహా సామ్రాజ్యాన్ని పాలించేవాడు. ఆయన ఆ నాటి ఖాద్రి ప్రాంతాన్ని సందర్శించినప్పుడు ఇక్కడ భృగుమహర్షి పూజించిన స్థలాన్ని గుర్తించి ఒక మండపాన్ని నిర్మించాడు. దీన్ని క్రీ.శ 1275లో   నిర్మించినట్లు ఇక్కడి శాసనాలు చెపుతున్నాయి .        పూర్వపు కదిరి తాలూకా ప్రస్తుతం ఉన్న గాండ్లపెంట మండలంలో ఉండేది. ఇదంతా అటవీ ప్రాంతంగా ఉండేది ఇక్కడ ఖాద్రీ వృక్షాలతో  ఉన్న మనో...
మరింత చదవండి

నిస్వార్థ ప్రజానాయకుడు ఎద్దుల ఈశ్వర రెడ్డి

నిస్వార్థ ప్రజానాయకుడు ఎద్దుల ఈశ్వర రెడ్డి     ‌ జమ్మలమడుగు తాలూకా పెద్ద పసుపులలోవెంకట సుబ్బారెడ్డి, మల్లమ్మ దంపతులకు 1915‌నవంబర్ 11న జన్మించారు. వారిది పెద్ద భూస్వామ్య కుటుంబం.       వీరు1936లో గ్రాడ్యుయేషన్ ను అనంతపురంలో పూర్తి చేశాక ప్రజాసేవలో నిమగ్నమైనారు. కాంగ్రెస్ పార్టీ లో చేరి 1936 నుండి 1941లో వ్యక్తి సత్యాగ్రహంలో పాల్గొన్నారు. పాలూరులో జిల్లా కిసాన్ సభను జరిపారు.            1938 సంవత్సరం లో జమ్మలమడుగు కు సమీపంలో ఉన్న పెద్ద పసుపులు గ్రామంలోని వై. ఈశ్వరరెడ్డి, నూకల కొండయ్యలు సంగమేశ్వర రెడ్డి, మోకా వెంకట సుబ్బయ్య లో పరిచయంతో కమ్యూనిస్టులు గా మారినారు.        చెన్నూరులో ఎద్దుల ఈశ్వర్ రెడ్డి 28-5-1941న సత్యాగ్రహం చేసినాడు. ఆయనకు 3నెలల జైలు శిక్ష, 100 రూపాయల జరిమానా విధించింది బ్రిటీష్ ప్రభుత్వం. జైలు నుండి విడుదలైన తర్వాత కమ్యూనిస్టు పార్టీలో చేరారు .       ‌1943 నాటికి ఆలంఖాన్ పల్లి, పెద్దపసుపులు గ్రామాలు కమ్యూనిస్టు పార్టీ కేంద్రాలుగా ఏర్పడ్డాయి. 1942-43లలో ఆలంఖాన్ పల్లి, ర...
మరింత చదవండి